ब्रेक द चेन' अंतर्गत जिल्ह्यासाठी मार्गदर्शक सुचना जारी ; 1 मे पर्यंत संचारबंदी लागू

प्रतिसाद फाऊंडेशनचे सदस्य जयेश दखणे व अफरोज परवेझ
यांची अनोखी समाजसेवा

यवतमाळ - प्रति.
शहरामध्ये सामाजिक व सेवा कार्यात अग्रेसर असलेल्या प्रतिसाद फाऊंडेशनचे सदस्य जयेश दखणे व अफरोज परवेझ या कोरोना योद्धांनी यवतमाळ शहरातील सामाजिक क्षेत्र पोलीस व्हॅन, अनेक मंदिर, मस्ज़िद, बँक परिसर व प्रशासकीय कार्यालय व प्रशासनाच्या कामकाजाकरिता वापरण्यात येणार्‍या प्रायव्हेट गाड्या तसेच अनेक धार्मिक स्थळांना सॅनिटायझर करुन कोरोना संसर्गा दरम्यान आपले अनमोल असे योगदान दिले आहे तसेच प्रतिसाद फाऊंडेशनला जेवणाच्या डब्ब्यासाठी जवळपास 1 आठवडा पुरेल ईतका भाजीपाला व काही धान्य स्वताच्या खर्चातून प्रतिसाद फाऊंडेशनच्या कार्यालयात उपलब्ध करुन दिला तसेच सॅनिटायझेशनसाठी लागणारे साहित्य तसेच फवारणीसाठी लागणारी औषध सुद्धा त्यांनी स्व खर्चातून विकत आणून आगळ्या वेगळ्या पद्धतीने कोरोना योद्धांच्या सेवेत आपले योगदान देऊन आपले सामाजिक दायित्व जोपासले यांच्या या कार्यासाठी प्रतिसाद फाऊंडेशनचे अध्यक्ष मनोज गुल्हाणे यांचे अनमोल असे मार्गदर्शन मिळाले. तसेच प्रतिसाद फाऊंडेशनचे सदस्य संदीप शिंदे, भगवान भगत, श्रीपाद ढोले, उमेश बोबडे, अनिकेत गजभिये, रवि भुरे, किशोर रिठे, गौरव चातुरकर यांनी विशेष सहकार्य केले. प्रतिसाद फाऊंडेशनच्या माध्यमातून मानव सेवा उपक्रमात हरहरीने सक्रिय सहभाग नोंदविणारे कोरोना योद्धा जयेश दखणे व अफरोज परवेझ यांनी सॅनिटायझरेशनसाठी केलेल्या प्रयत्नासाठी मुक्तकंठाने प्रशंसा होत असून या कार्यामुळे लोकांच्या मनातील भिती दुर होऊन जनजागृती सुद्धा त्यांनी केली आहे.