दाते महीला बँक वाचवण्यासाठी महिला सहकारी बँक कृती समिती यवतमाळ ची संघर्ष परिषद

भारती मैंद नागरी सहकारी पतसंस्थेच्या सौजण्यातून नगरपालिका परिसरात सॅनिटायझरिंग कक्षाची उभारणी.

पुसद - 
संपूर्ण देश कोरोना या विषाणूमुळे राष्ट्रीय आपत्तीत असतांना शहराचा मुख्य दुव्वा असलेल्या स्थानिक नगरपालिका प्रांगणात भारती मैंद नागरी सहकारी पतसंस्थेच्या सामाजिक उपक्रमांअंतर्गत उभारण्यात आलेल्या  सॅनिटायझरिंग कक्षाचे उद्घाटन दि.18 एप्रिल रोजी आ.इंद्रनील नाईक यांचेहस्ते फित कापून करण्यात आले यावेळी विधानपरिषद सदस्य तथा जिल्हा काँग्रेस कमिटीचे अध्यक्ष आ.डॉ. वजाहात मिर्झा,नगरपालिकेच्या मुख्याधिकारी सौ.निर्मला राशीनकर(यमगर),आरोग्य सभापती राजु साळुंखे,पुसद चेंबर ऑफ कॉमर्सचे अध्यक्ष सूरज डूबेवार हे प्रामुख्याने उपस्थित होते.यावेळी विशेषतः सोशल डिस्टनसिंग पाळून प्रत्येकजण उभे होते.
       स्थानिक नगरपालिका प्रशासनाच्या मागणीवरून उभारण्यात आलेल्या सॅनिटायझरिंग कक्षाचा लाभ दररोज कर्मचारी, सफाई कामगार असे एकूण पाचशे ते सातशे नागरिक घेत आहेत. अत्यावश्यक सेवेत असणारा प्रत्येक नागरिक,कर्मचारी हा देशसेवेचेच कार्ये करीत असल्यामुळे त्यास घरी जाण्यापूर्वी किंवा कर्तव्यावर येत असताना निर्जंतुक करण्याचा उदात्त हेतू बाळगून पुसद अर्बन बँकेचे तसेच भारती मैंद नागरी सहकारी पतसंस्थेच्या सामाजिक उपक्रम समितीचे अध्यक्ष शरद मैंद यांनी नगरपालिका प्रांगणात सॅनिटायझरिंग कक्ष उभारला. औपचारिक उदघाटनाप्रसंगी आ.इंद्रनील नाईक यांनी एरवी शहरातील नागरिकांच्या हिताची जपणूक करणारे जेष्ठबंधु शरद मैंद यांनी कोरोना प्रादुर्भाव रोखण्यासाठी सॅनिटायझरिंग कक्ष उभारून पुन्हा एकदा आपल्या समाजसृजन कर्तृत्वाचा प्रत्येय दिल्याचे मत व्यक्त केले हे विशेष..तर विधानपरिषद सदस्य आ.वजाहत मिर्झा यांनी  पोलीस विभाग,महसूल प्रशासन,नगरपालिका आदींच्या  मदतीस वेळोवेळी शरद मैंद समर्थपणे उभे राहत असल्याची बोलकी प्रतिक्रिया यावेळी दिली. आमच्या आरोग्य विभागातील सफाई कामगारांना वेळोवेळी निर्जंतुक करणे गरजेचे होते त्यासाठी भारती मैंद पतसंस्थेने उभारलेले सॅनिटायझर कक्ष मोलाचे साधन ठरल्याचे मनोगत मुख्याधिकारी सौ.निर्मला राशीनकर यांनी व्यक्त केले.
      याप्रसंगी नगरसेवक डॉ. मोहंमद नदीम,शिवसेना गटनेते ऍड.उमाकांत पापीनवार, पतसंस्थेचे संस्थेचे उपाध्यक्ष ऍड.भारत जाधव,निशांत बयास,ललित सेता,महेश बजाज,आरोग्य निरीक्षक राठोड,पतसंस्थेचे प्रभारी मुख्याधिकारी गजानन नाकाडे, पुसद अर्बन बँकेचे प्रभारी मुख्याधिकारी विनायक सेवकर,अमोल व्हडगिरे,राहुल कांबळे तसेच नगरपालिका कर्मचारी, भारती मैंद नागरी सहकारी पतसंस्थेचे-पुसद अर्बन बँकेचे कर्मचारी व सफाई कामगार सोशल डिस्टनसिंगने उभे होते.