कोरोनाचा विविध वर्गाच्या मानसिकतेवर परिणाम व उपाय; मानसोपचार तज्ञ मिलिंद आपटे यांचे २ ऑगस्ट रोजी मार्गदर्शन- पुसद अर्बन बँकेचा उपक्रम

कोरोनाचा विविध वर्गाच्या मानसिकतेवर परिणाम व उपाय; मानसोपचार तज्ञ मिलिंद आपटे यांचे आज मार्गदर्शन- पुसद अर्बन बँकेचा उपक्रम 

  

पुसद- कोरोना  संकटाचा  समाजातील विविध  वर्गाच्या मानसिकतेवर  परिणाम होत आहे.त्यांना योग्य मार्गदर्शन मिळावे या हेतूने पुसद अर्बन कॉ ऑप बँकेचे अध्यक्ष शरद मैंद यांच्या संकल्पनेतुन व बँकेच्या सामाजिक उपक्रमातुन  प्रसिद्ध मानसोपचार तज्ञ तथा मार्गदर्शक मिलिंद आपटे यांचे उद्या रविवार २ऑगस्ट २०२० रोजी दुपारी ३ वाजता  कोरोनाचा व्यापारी, कर्मचारी,शेतकरी व सामान्य नागरिकांच्या मानसिकतेवर झालेला परिणाम व उपाय या विषयावर व्हेबिनारचे आयोजन केले आहे.

या व्हेबिनार ला राष्ट्रवादी काँग्रेस लिगल सेल अध्यक्ष तथा म.गो.बार कौन्सिल चे सदस्य एड आशिष देशमुख, अ.भा. काँ.कमिटी चे सचिव एड.सचिन नाईक,यवतमाळ जिप च्या माजी अध्यक्ष डॉ आरती फुफाटे, विश्वनाथसिंह बयास पतसंस्थेचे अध्यक्ष निशांत बयास,

चेम्बर ऑफ कॉमर्स चे अध्यक्ष सुरज डुब्बेवार, उपाध्यक्ष संतोष अग्रवाल,माजी अध्यक्ष बिपीन चिद्धरवार, प्रगतशील कास्तकार अभय गडम ,नारायण क्षीरसागर,  साप्ताहिक पोलिटिक्स स्पेशल चे संपादक रितेश पुरोहित तसेच काळी दौ.येथील माजी सरपंच गौतम रणवीर व तेथील शेतकरी तसेच वालतुर रेल्वे येथील शेतकरी तसेच अरविंद गावंडे राज्य उपाध्यक्ष, मराठा सेवा संघ, सचिन चौधरी सचिव जिजाऊ श्रुष्टी, सिंदखेडराजा,पॅनलिस्ट म्हणून जुळणार आहेत. सदर व्हेबिनर झूम अँप सह शरद मैंद फेस बुक पेजवर दिसणार आहे.या महत्वपूर्ण व्हेबिनार चा लाभ जास्तीत जास्त संख्येने घेण्याचे आवाहन बँकेचे अध्यक्ष शरद मैंद व संचालक मंडळ यांनी केले आहे.