वीज वितरण कंपनी च्या कार्यकारी अभियंत्यांना तात्काळ निलंबित करा -जिल्हा काँग्रेस कमिटी ची मागणी

यवतमाळ: 3 ऑगस्ट

यवतमाळ शहरासह जिल्यातील विद्युत डीपी उघड्या असल्याबाबत अनेक वृत्तपत्रातून प्रसिद्धीस आले अनेकांचे प्राणही गेलेत परंतु निगरगट्ट झालेल्या प्रशासनाने याची कोणतीही दखल घेतलेली नाही या उलट सर्वत्र उघड्या डीपी आपल्याला पहावयास मिळतात अनेक ठिकाणी तर केवळ 3 फूट अंतरावर उघड्या डीपी आहेत यात लहान मुलांचा बळी जाण्याची शक्यता मोठ्या प्रमाणात आहे, या सर्व डीपी झाकण्याबाबत सतत दुर्लक्ष करणाऱ्या कार्यकारी अभियंत्यांना तात्काळ निलंबित करण्यात यावे ही मागणी एका प्रसिद्ध पत्रकातून जिल्हा काँग्रेस कमिटी च्या वतीने सरचिटणीस अनिल गायकवाड यांनी केलेली आहे, जर या प्रकारात जिल्यात कोणत्याही नागरिकांचा अथवा लहान मुलांचा दुर्घटना होऊन बळी गेल्यास कार्यकारी अभियंत्यांवर 302 कलमा अंतर्गत कारवाही करण्यास प्रशासनाला भाग पाडू असा ही इशारा या वेळी देण्यात आला,

भर पावसात अनेक डीपी च्या आतमध्ये सुद्धा पाणी साचलेले असून हा वीज वितरण कंपनी चा  प्रकार अत्यंत निंदनीय असून तात्काळ कार्यकारी अभियंत्यांना निलंबित करण्याची मागणी करण्यात आली व अश्या कर्तव्य शून्य अधिकाऱ्यांना पाठीशी घालणाऱ्या शासनाचा तिव्र शब्दात निषेध व्यक्त करण्यात आला. वडगाव रोड परिसरातील मोहन कावरे या तरुणाचा मृत्यू ताजा असतांना शहरातील दुभाजकांवर अनेक ठिकाणी लावलेल्या स्ट्रीट लाईट चे अनेक विद्युत कनेक्शन धोकादायक स्थितीत असून त्याला स्पर्श झाल्यास अप्रिय घटना घडण्याची शक्यताही नाकारण्यात येत नाही त्याची ही दुरुस्तही तात्काळ स्वरूपात व्हावी असा प्रकार दत्त चौकातील भाजी मार्केट परिसरात पहावयास मिळतो असे ही अनिल गायकवाड या वेळी म्हणाले.